Sigurrós frá Hjarðartúni
30. ágúst 2020
Í sumar fæddist okkur skjótt merfolald undan Dögun frá Hjarðartúni og Sigri frá Stóra-Vatnsskarði. Hansi frumtamdi Sigur á sínum tíma og leist afar vel á fyrirhugaðan ráðahag, enda Sigur mikill eðlisgæðingur. Svo skemmtilega vildi til að fæðing folaldsins náðist á myndband. Ótrúlegt að sjá hversu fljótt þau komast á fætur og eru farin að hlaupa um innan við sólahring eftir köstun. Folaldið fékk nafnið Sigurrós og er strax farið að hoppa í polla.
