Taktur frá Hjarðartúni
30. ágúst 2020
Harpa frá Hjarðartúni átti stefnumót við Dag frá Hjarðartúni og þeim fæddist hestfolald í vor. Dagur hefur með afkvæmum sínum sýnt hversu mikill kynbótahestur hann er. Fyrsta afkvæmi Hörpu er albróðir þessa folalds, en það er Tónn frá Hjarðartúni, sem fór í góð fyrstu verðlaun í vor, fimm vetra. Litli bróðir sýndi góða takta strax frá fæðingu og hlaut því nafnið Taktur. Mikil framtíðarmúsík í því.
